O pasado venres 11 de novembro celebramos o Magosto no CEIP Plurilingüe de Rubiáns con castañas, foliada e xogos populares. Moita festa e moita diversión, acompañadas de grandes doses de camaradería entre o alumnado das diferentes idades.
Un amor de xentiña!!
O Día sen coches á unha data moi importante para concienciarnos da importancia de coidar o noso planeta. Este ano unímonos á Festa da bicicleta organizada por La Voz de Galicia e o Concello de Vilagarcía de Arousa dentro das actividades da Semana da Mobilidade.
Na mañá do venres o alumnado de 5º e 6º, acompañado de mestres e membros do clube BTT Trotacumes, desprazámonos en bicicleta ata o Auditorio Municipal, onde nos unimos a rapaces e rapazas de todos os centros educativos de Vilagarcía para gozar da música da Duendeneta e cruzar os dedos para que nos tocase algún agasallo no sorteo. Mirade, mirade..
Que ben o pasamos! Estamos desexando repetir!
Moitísimas grazas a Trotacumes por toda a axuda durante o traslado e a custodia de bicis.
Comezamos un ano máis cos xogos de inicio de curso que tango nos gustan!
Pasámolo xenial cos xogos científicos deste curso
Que ganas tiñamos de saír!
Por fin puidemos saír do cole despois de tanto tempo! E nada menos que para facer deporte. Retomamos as actividades do programa XOGADE e hoxe fomos á carreira de campo a través, que nesta ocasión foi en Catoira.
Como non nos podemos mesturar con outros colexios nin clases tivemos que correr por clases; con todo, pasámolo xenial! Oxalá poidamos facer máis excursións.
Como nos gusta a festa! Un ano máis celebramos o Magosto no día de San Martiño, pero desta volta cunha novidade. Veu un castañeiro co seu tren para asar as castañas. En grupos, separados por aulas, puidemos saborear este manxar tan importante para a nosa terra.
Despois de encher ben o bandullo, xogamos a moitos xogos tradicionais, aínda que tamén tivemos que facelo en zonas diferenciadas. Non faltaron a buxaina, o pano, a comba ou as chapas... foi unha xornada na que todos o pasamos moi ben cos xogos de antes que, como di o noso lema deste ano, tamén son para nenos de agora. E non faltou a música, desta volta a ritmo de rap. Que divertido foi!
O rap do magosto - Paco Moreiras
A choiva non nos permitiu celebrar as actividades que tiñamos preparadas para conmemorar a Semana Europea do Deporte, así que tivemos que pospoñelas para o primeiro venres que saíu o sol.
Recreamos varios xogos basados en cadros, por exemplo:
- A pita cega de Goya.
- O discóbolo de Mirón.
- Rapaces xogando ao trompo de José del Castillo
- Saltando á comba de Sorolla.
- A danza de Castelao.
- Nenos xogando ás chapas de Ángel Olarte Arraiz
Así que ademais de divertirnos moito facendo exercicio tamén aprendemos sobre arte.
Este é o acróstico que fixo Alejandra Del Valle coa palabra TENIS.
Fantástico Ale!
Volvemos cun novo reto, Nesta ocasión imos mover os esqueletes!!!
Mañá comezamos o mes de maio, así que aproveitando que xa temos unha gran variedade de froitas á nosa disposición, que vos parece si facemos un reto de zumes, granizados e smoothies??
Deixamos a continuación unha serie de enlaces a diferentes receitas que vos poden servir de guía, pero podedes aportar as vosas creacións. Agardamos que vos guste este reto e que nos deleitedes unha vez máis coas vosas imaxes.
RECEITAS DE ZUMES NATURAIS: https://eresmama.com/7-zumos-ricos-en-vitaminas-para-ninos/
RECEITAS DE GRANIZADOS: https://www.recetin.com/granizados-frutas-verano-ninos.html
RECEITAS DE SMOOTHIES: https://www.blogmamasmodernas.com/smoothies-ninos/
Xa estamos de volta coas baterías cargadas para afrontar a derradeira etapa deste curso escolar. O primeiro reto deste trimestre volve a estar relacionado coa alimentación saudable.
Nesta ocasión propoñémosvos elaborar diferentes pratos ou cociñar de distinto xeito as legumes: lentellas, alubias, chícharos, garabanzos,... Estes alimentos non só se poden comer en pratos de culler senón que se poden empregar en diferentes opcións: ensaladas, hummus, croquetas, hamburguesas.... Nos enlaces que vos achegamos podedes ver diferentes receitas que vos servirán de axuda.
Nesta última avaliación iremos pasando por cursos para xogar no pabillón o ping pong.
Aquí vos deixamos as normas.
Tranquilidade! Que ninguén se asuste con este reto. Non vos imos mandar a Roncesvalles!
Seguimos camiñando e/ou pedaleando, pero xa que estamos en Ano Santo e Pascua, imos a transformalo en Km do Camiño.
A continuación tedes un enlace de interese onde podedes planificar a distancia ou etapa que queirades percorrer.
Moi boas Pascuas a todos e que padriños e madriñas se porten ben coas roscas.
Ata a volta!!!
Coidádevos e coidémonos!!!
Eiquí vos mostramos as fotos dos campións do concurso de consumo froita nas merendas saudables da primeira e segunda avaliación.
Noraboa a todos e seguide así.
Lanzamos o seguinte reto. Nesta ocasión volvemos a retomar o tema ALIMENTACIÓN e propoñémosvos a seguinte actividade.
O Prato Nutritivo é unha guía visual para axudar a educar e motivar a nenos e nenas a comer ben. Dunha ollada, a imaxe representa exemplos das mellores opcións para comidas, merendas, ceas e aperitivos saudables e resalta a importancia da actividade física como parte da fórmula para manterse san.
Consiste en dividir o prato do seguinte xeito: O 50% do prato ten que estar composto de verduras e hortalizas; un 25% de carnes ou peixes, ovos ou legumes; e por último outro 25% de cereais integrais ou tubérculos.
Do que se trata é de elaborar menús moi equilibrados con cantidades proporcionais dos diferentes nutrintes que deben compoñer a nosa alimentación diaria: carbohidratos, proteínas, graxas saudables e vitaminas.
Queredes volver a retomar o "Mandil de Chef" e deleitarnos coa vosa creatividade na composición de pratos "deliciosamente saudables"??
Agardamos as vosas fotos!!!!
Unha semana máis aquí vai o noso NOVO RETO, outra vez relacionado coa alimentación saudable. Nesta ocasión a cousa vai de productos do mar.
Neste enlace no que podedes consultar e aprender receitas novas.
Bo proveito!!!!!
https://osabordaaventuraestanomar.xunta.gal/gl/recursos/receitas
Gracias unha vez máis por participar nas propostas do cole e colaborar con todo o que se vos pide.
Seguimos cos hábitos saudables e o RETO nº 4 é o seguinte... Sabeliña volo conta... Quen se anima???
Aquí deixamos unha mostra do que se pode chegar a facer 😆😆😉😉
https://youtu.be/zoMYU_nOGNg
Chega unha nova fin de semana e con ela un novo RETO. Antes de nada temos que agradecer a participación de todos vós no reto do baile. Está claro que temos un montón de artistas no cole e non o sabiamos. Felicidades a todos.
Agora "ao lío". Nesta ocasión volvemos a meternos entre fogóns e toca cociñar e preparar pratos vexetais.
Animádesvos a compartir con nós o prato vexetal que triunfa nos vosos fogares?? Ensaladas, cremas, parrilladas de verduras, verduras cocidas, papillotes... etc. Todas as opcións son válidas.
Veña, mans á obra!!!
Remata a semana e con ela o primeiro reto saudable. Noraboa a todas as familias participantes. Sodes moi creativos e moi saudables. Quedou gráficamente demostrado.
ATENCIÓN NOVO RETO!!!!
O NOVO RETO que presentamos desde a nosa xanela é un reto moi divertido co que estamos seguros que ides estar encantados.
Nestes momentos a distancia social é unha prioridade para manternos seguros, pero os divertidos pasos desta famosísima coreografía que xa leva unhas cantas voltas ao mundo enteiro conseguiron que todos e todas nos sintamos máis unidos bailando ao seu son.
Non pensaron os autores da música e a letra da canción, Master KG e Nomcebo, que ao compoñela estaban a crear un fenómeno mundial.
O mesmo pasou cos creadores da coreografía, un grupo de nenos e nenas orfos do refuxio Masaka Kids Africana que empregan a música como terapia e que, sen deixar de sorrir nin un segundo, conseguiron chegar a todas as partes do mundo.
Xa sabemos que será difícil acadar o ritmo e coordinación que eles teñen, pero desde logo, paga a pena facer o intento, non credes???
Atrevédesvos a bailar como xeito divertido de facer deporte???
#jerusalemachallenge
Este primeiro reto que vos propoñemos deberá conseguirse ata o venres 29.
Convidámosvos a que preparedes e tomedes un almorzo saudable: e para iso propoñémosvos a seguinte táboa como guía. Podedes engadir o que vos pareza sempre e cando entre na categoría de alimento saudable.
Sede creativos, seguro que está boísimo e amosádenos as cousas tan ricas que preparades!
Recordade!!!! Unha boa alimentación en xeral é o mellor para medrar fortes e saudables. Así o di Sabela, hai alguén máis sabio ou sabia que ela?
O deporte debe estar presente tódolos días nas nosas vidas.
Xoga, baila, corre, salta... todo vale. E recorda quen move as pernas move o corazón.
Móvete moito e móvete ben!
Boas de novo!
Neste mes e aproveitando que hoxe é o día da condición física, faremos as probas DAFIS.
Coa Axuda da nosa mestra en prácticas Lorena.
Boas rapazolos!
Eiquí vos amosamos os carteis das zonas do patio e turnos por clases. Iremos rotando cada día así que estade moi atentos.
1. Zona de salto
de lonxitude.
2. Zona de salto
corda.
3. Zona de pilla
churros.
4. Zona de
equilibrios co slackline.
5. Zona dos
troncos.
6. Zona de
circuíto de educación vial.
Esta semán foi moi intensa no cole, pero iso non é novidade non si? Sempre facemos un montón de cousas pero nesta ocasión xuntaronse dúas conmemoracións. Como en Rubiáns somos moi activos non quixemos perder ningunha delas (incluso tivemos algunha actividade máis) así que celebramos a Semana Europea do Deporte Escolar e tamén a Semana polo Clima.
O luns, o tempo non nos permitiu realizar as carreiras de relevos que tiñamos programadas pero o martes si pudiemos disputar uns partidos de brilé mói intenso.
O mércores saltamos á corda.
O xoves tivemos a visita dos monitores do Xinmasio Olimpic para facer unha demostración de Taekwondo e Zumba.
O venres camiñamos a Milla Verde polo Clima ademais de facer un minuto de silencio e dar a benvida as novas Patrullas Verdes que velarán, coa axuda de todos, para que o noso patio sexa un espazo limpo de lixo.
Foi unha semán completiña pero gozamos moito de todas as actividades.
Comezamos un novo curso cargados de ilusión.
Este vai a ser un ano de película pois o proxecto será: Sabela cámara e acción!
Así que, da man de Sabela, aprenderemos un montón de cousas sobre o cine.
Todo estaba preparado para a gran estrea no Cine Rubiáns e aínda que os verdadeiros protagonistas son o noso alumnado, esta vez os mestres decidiron recibilos caracterizados de protagonistas de película! Foi moi divertido!
A nota predominante de toda a xornada foi a ledicia polo reencontro pero tamén tivemos algún que outro chouro (pouca cousa eh!)
Finalizamos a xornada cos xogos de benvida que nesta ocasión estiveron ambientados en diferentes películas infantís.
Pasámolo en grande!
